كل الحاجات بتروح
ما فضلش غيرك ع الطريق واضح
لحظة ما دندن عودك في الخلا .. يا هلا
قامت من الموت الجوارح
يابو الوتر جامح
صدق اللي قال ان الورود تطرح عبير جوه الكفن
وانت اللي كان كفنك بلاد
وبقيت على جدار السواد تسطع
وبقيت في طيات العفن صابح
مين علمك ياولد
تدخل ليالي الريح
وتقيد لنا التفاريح
لحد ما تصفى
مين علمك
تبقى الوحيد ضددك
دايمآ دروب الفجر بتشدك
يبتسم في عنيك قمر
وتلفلفك ريحة الشجر
وتمد ايدك بالأ مان
مع انك المليان خطر
مين علمك
لحظة حريق الظلم في ضلوع البشر .. تصبح مطر
شايفك ف آخر مره شوفتك
وانت واقف ع المحطه .. بتنتظر ....... سكة سفر
شعر أ يمن سر ا ج الدين
0185356653
ليست هناك تعليقات:
إرسال تعليق